Ijuka Omuka festival kuufufua upya Mkoa wa Kagera.

 

Na Lydia Lugakila

Bukoba


Tamasha kubwa na la aina yake la utamaduni litakalopambwa na chakula cha kiasili pamoja na wasanii wakubwa lijulikanalo kama IJUKA OMUKA linatarajiwa kuzinduliwa Desemba 18,2024 Mkoani Kagera huku mgeni rasmi akitarajiwa kuwa Naibu Waziri Mkuu wa Tanzania Mhe. Dotto Biteko lengo likiwa ni kufufua  Mkoa huo upya.


Akizungumza na waandishi wa habari ofisini kwake Desemba 14,2024 Mkuu wa Mkoa wa Kagera Mhe. Hajjat Fatma Mwassa alisema kuwa Tamasha la IJUKA OMUKA lenye maana ya *kumbuka nyumbani* ni la pili kufanyika Mkoani Kagera baada ya tamasha la kwanza kuwahi kufanyika Mwaka 2023 ikiwa ni kutokana na Mkoa huo kuwahi kusifika sana na baadae ukashuka ndo maana kumeanzishwa matamasha kama hayo ili kuufufua Mkoa huo na kuurudisha upya ikiwemo masuala ya  kiuchumi pamoja na kiutamaduni huku vyakula vya asili vya Mkoa huo vikionyeshwa na kuonjwa.


"Mwaka huu tunafanya Tamasha la pili litakalowaunganisha wazawa na waishio ndani na nje ya Mkoa pia nje ya Nchi ambapo Mwaka jana tulifanya Tamasha la kwanza na halikuhusisha watu wengi sana na litakuwa na matukio manne makubwa" alisema Mwassa 


Akitaja matukio hayo makubwa yatakayofanyika katika Tamasha hilo Mkuu huyo wa Mkoa alisema kuwa ni pamoja na Desemba 18 majira ya asubuhi kuanza na dua ya kuuombea Mkoa na  Taifa kwa ujumla, na baadae kuzindua maonyesho ya biashara yatakayodumu kwa siku kumi, kongamano la Biashara, ambalo litakuwa maalumu kwa wafanyabiashara  na watendaji wa Serikali lenye lengo la kuondoa changamoto zote za kibiashara, mashindano ya pikipiki, na maonyesho ya mavazi na mziki wa kizazi kipya.


Alisema kuwa mgeni rasmi atakuwa Naibu Waziri Mkuu na waziri wa nishati Mhe. Dotto Biteko ambaye atashiriki katika kongamano la uwekezaji, Tamasha la utamaduni, na gala dinner huku akiongeza kuwa vumbi litakalotimka Bukoba halikuwahi kushuhudiwa.


Mwassa aliongeza kuwa uhalisia wa mtu wa Kagera utajionyesha ikiwemo aina mbali mbali za mapishi pamoja na vionjo mbali mbali kama supu ya senene na pilau la senene huku akitaja matokeo yaliyopatikana baada ya kuanzishwa kwa  tamasha la kwanza kuwa ni pamoja na kuwezesha wafanyabiashara kufungua viwanja ambapo wengine waliomba viwanja kwa ajili ya kujenga kumbi za mikutano pamoja na mashamba na mambo mengine mengi.


Aliwaomba Wananchi Mkoani humo pamoja na vijana kutumia fursa hiyo ya maonyesho ya biashara kutangaza shughuli wanazozifanya.


Aidha alisema kuwa Rais wa Jamhuri ya Muungano wa Tanzania Mhe. Dokta Samia Suruhu Hassan amekusudia kwa dhati kuinua uchumi wa Mkoa wa Kagera hivyo hawako tayari kumwangusha na ni lazima kuonyesha fursa hiyo kwa kuipokea, kuithamini, na kuitambua huku akiahidi kuwa  watafanya kila linalowezekana  kuhakikisha uchumi wa Kagera unafufuka upya.


Kilele cha tashama hilo  ni  Desemba 26 2024 ambapo litapambwa na wasanii wakubwa akiwemo Msanii wa mziki wa mduara Juma Kivurande, Jay Melody, Sabah Muchacho, Msagasumu, Shemela na Bushoke huku  likiwa limebeba kauli mbiu isemayo MAKE KAGERA GREAT AGAIN.

Comments

Post a Comment

Popular posts from this blog

Utekaji watu sasa wahamia kwa wachungaji, makanisa.

  Na mwandishi wetu Licha ya  Rais wa Jamhuri ya Muungano wa Tanzania Dokta. Samia Suluhu Hassan kuonya  Utekaji wa watu, Watoto wakiwemo wanafunzi Mkoani Dar es Salaam, hivi karibuni hali hiyo haijakoma ambapo hivi sasa  imehamia Wilaya ya Muleba Mkoani  Kagera ambapo Wachungaji na Makanisa yao wanatekwa wanapoabudu kanisani. Kwa Mujibu wa barua ya Malalamiko ya Wachungaji wa Jumuiya Ndogo ya Kanisa la Jumuiya Kuu ya Wabaptist Tanzania (BCT) ya  Juni 19,2024 iliyoelezwa kwa  OCD Muleba, imedai Polisi walihusika kusimamia utekaji huo wakiwa na mitutu ya bunduki. Gazeti hili limebaini Jumapili Julai 21, 2024 katika Kanisa la  Kabare lililopo Wilayani Muleba watu wapatao 15 walivamia Kanisa hilo na kutaka kumteka Mchungaji na Mwenyekiti wa Makanisa ya Baptist Jumuiya ndogo ya Muleba aitwaye Domisian Kabyemela hata hivyo watekaji walielemewa na baadhi yao akiwemo Adeliki Mutongole, Delius Kashaba, Gozibert Kunkolidi na Denisi Rajabu kuambulia kipigo ...
Read more

Takukuru Kagera kuchukua hatua dhidi ya Rushwa kuelekea uchaguzi wa Serikali za mitaa.

  Na Lydia Lugakila Bukoba Taasisi ya kuzuia na kupambana na Rushwa (TAKUKURU) Mkoa wa Kagera imesema haitasita kuchukua hatua za kisheria dhidi ya wale wote watakaojihusisha na vitendo vya Rushwa kabla ya uchaguzi wa Serikali za mitaa,wakati wa uchaguzi na baada ya uchaguzi. Kauli hiyo ya imetolewa na Naibu Mkuu wa Takukuru Mkoa wa Kagera Ezekia Sinkara wakati akiongea na waandishi wa Habari katika ukumbi wa Taasisi hiyo uliopo Manispaa ya Bukoba ikiwa ni katika utekelezaji wa majukumu ya Taasisi hiyo katika kipindi cha Julai hadi Septemba 2024. Sinkala amesema kuwa wamejipanga vizuri kuhakikisha wanaendelea kutoa kutoa elimu kwa Wananchi pamoja na makundi mbali mbali ikiwemo viongozi wa Kisiasa kwa lengo la kuhakikisha uchaguzi unafanyika bila kuwepo vitendo vya Rushwa . " Sote tunatambua tunaelekea uchaguzi wa Serikali za mitaa Novemba 27,2024 ambapo kwa sasa shughuli mbali mbali za mchakato huo zinaendelea hivyo hatutaki kuona wala kusikia wanaojihusisha na vitendo vya Rushwa...
Read more

CHATANDA AMMWAGIA SIFA SOPHIA MWAKAGENDA

Image
Mwenyekiti wa Umoja wa Wanawake Tanzania (UWT), Mary Chatanda amempongeza Mkurugenzi Mtendaji wa Shika Foundation, Mbunge wa Viti Maalumu, Sophia Mwakagenda kwa kuandaa kongamano kubwa la Wanawake wafanyabiasha wadogo wa mbogamboga na matunda wa Mkoa wa Dodoma lilofanyika hivi karibuni  kwenye Ukumbi wa Mikutano wa Jakaya Kikwete jijini Dodoma. IMEANDALIWA NA RICHARD MWAIKENDA MHARIRI BLOG YA TAIFA YA CCM 0754264203
Read more